ବୃତ୍ତି

ବେକେରୀ ସେଫ୍

NCS Code: 7512.0100

ଜଣେ ବେକେରୀ ସେଫ୍ ନିଜର କୌଶଳ ଏବଂ ସୃଜନଶୀଳତା ସହିତ ବିଭିନ୍ନ ପ୍ରକାରର ରୁଟି, ପେଷ୍ଟ୍ରି (Pastries), କେକ୍ ଏବଂ ମିଠା ଜିନିଷ ପ୍ରସ୍ତୁତ କରିଥାନ୍ତି । ସେ ରୋଷେଇ ଘରର କାର୍ଯ୍ୟ ପରିଚାଳନା କରନ୍ତି, ଉତ୍ତମ ଗୁଣବତ୍ତା ଏବଂ ଖାଦ୍ୟ ସୁରକ୍ଷା ନିୟମକୁ ସୁନିଶ୍ଚିତ କରନ୍ତି, ରେସିପି (Recipe) ପ୍ରସ୍ତୁତ କରନ୍ତି ଏବଂ ଜୁନିୟର୍ ବେକର୍‌ମାନଙ୍କୁ (junior bakers) ପରିଚାଳନା କରନ୍ତି । ବେକେରୀ ସେଫ୍ ହୋଟେଲ, ରେଷ୍ଟୁରାଣ୍ଟ, ବେକେରୀ, କ୍ଲାଉଡ୍ କିଚେନ୍, ଏୟାରଲାଇନ୍ସ, କ୍ରୁଜ୍ ଲାଇନର୍ ଏବଂ ଖାଦ୍ୟ ଉତ୍ପାଦନ କମ୍ପାନୀମାନଙ୍କ ସହିତ କାମ କରିଥାନ୍ତି ।

ଆବଶ୍ୟକ ଦକ୍ଷତା :

• ବେକିଂ ବିଜ୍ଞାନ ଏବଂ ସଠିକତା

• ସୃଜନଶୀଳତା 

• ସମସ୍ୟା ସମାଧାନ

• ଅନୁକୂଳନ କ୍ଷମତା 

• ଦଳଗତ ଭାବନା

• ଯୋଗାଯୋଗ

• ଖାଦ୍ୟ ସୁରକ୍ଷା ସମ୍ପର୍କରେ ସଚେତନତା

ସଫଳତାର କାହାଣୀ

ପୂଜା ଢିଙ୍ଗ୍ରା ହେଉଛନ୍ତି ଜଣେ ପ୍ରତିଷ୍ଠିତ ଭାରତୀୟ ଉଦ୍ୟୋଗୀ, ଯିଏ ‘ଲେ ୧୫ ପେଷ୍ଟ୍ରି’ (Le15 Patisserie) ର ପ୍ରତିଷ୍ଠାତା ଭାବରେ ଜଣାଶୁଣା । ପ୍ୟାରିସ୍‌ରେ ହସ୍ପିଟାଲିଟି ଏବଂ ପେଷ୍ଟ୍ରି ଆର୍ଟରେ ଶିକ୍ଷା ସମାପ୍ତ କରିବା ପରେ ସେ ଖୁବ୍ କମ୍ ବୟସରେ ନିଜର ବ୍ରାଣ୍ଡ୍ ସ୍ଥାପନ କରିବାକୁ ଭାରତ ଫେରିଥିଲେ । ମୁମ୍ବାଇରେ ଏକ ଛୋଟ ଦୋକାନରୁ ଆରମ୍ଭ କରି ସେ ଭାରତୀୟ ବଜାରରେ ପ୍ରାମାଣିକ ଫ୍ରେଞ୍ଚ୍ ମାକାରୁନ୍ସ ଏବଂ ମିଠା ଜାତୀୟ ଖାଦ୍ୟର ପ୍ରଚଳନ କରିଥିଲେ । ନୂତନତା, ନିରନ୍ତର ପ୍ରଚେଷ୍ଟା ଏବଂ ଦୃଢ଼ ବ୍ୟବସାୟିକ ଜ୍ଞାନ ମାଧ୍ୟମରେ ସେ ନିଜର ବ୍ରାଣ୍ଡକୁ ବହୁତ ଆଗକୁ ନେଇଯାଇଛନ୍ତି । ତାଙ୍କର ଏହି ସଫଳ ଯାତ୍ରା ଅନେକ ଯୁବ ବୃତ୍ତିଗତଙ୍କ ପାଇଁ ଏକ ବଡ଼ ପ୍ରେରଣା ।

ଉତ୍ସ