ପଠନ
ବିକଳ୍ପ
NCS Code: 3222.0100
ଜି.ଏନ୍.ଏମ୍. ବୃତ୍ତିଗତ ମାନେ, ହସ୍ପିଟାଲ୍, କ୍ଲିନିକ୍ ଏବଂ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରଗୁଡ଼ିକରେ ରୋଗୀମାନଙ୍କୁ ସ୍ୱାସ୍ଥ୍ୟସେବା ଯୋଗାଇଥାନ୍ତି । ସେମାନେ ଡାକ୍ତରମାନଙ୍କୁ ସହାୟତା କରନ୍ତି, ରୋଗୀଙ୍କ ସ୍ୱାସ୍ଥ୍ୟ ଅବସ୍ଥା ଉପରେ ନଜର ରଖନ୍ତି, ଔଷଧ ଦିଅନ୍ତି, ଜରୁରୀକାଳୀନ ସେବା ପ୍ରଦାନ କରନ୍ତି ଏବଂ ଗର୍ଭାବସ୍ଥା ତଥା ଶିଶୁ ଜନ୍ମ ସମୟରେ ମା’ମାନଙ୍କୁ ଆବଶ୍ୟକୀୟ ସହଯୋଗ କରନ୍ତି । ଚିକିତ୍ସା ଏବଂ ଜନସ୍ୱାସ୍ଥ୍ୟ କ୍ଷେତ୍ରରେ ରୋଗୀ ସେବା, ମାତୃ ସ୍ୱାସ୍ଥ୍ୟ ଏବଂ ଗୋଷ୍ଠୀ ସ୍ୱାସ୍ଥ୍ୟସେବା କ୍ଷେତ୍ରରେ ଜି.ଏନ୍.ଏମ୍. ବୃତ୍ତିଗତମାନେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାନ୍ତି।
ସମସ୍ୟା ସମାଧାନ ଏବଂ ଦଳଗତ କାର୍ଯ୍ୟ
ଯୋଗାଯୋଗ ଦକ୍ଷତା
ସହାନୁଭୂତି, ଧୈର୍ଯ୍ୟ ଏବଂ ଅନୁକୂଳତା
ବିଶ୍ଳେଷଣାତ୍ମକ ଚିନ୍ତାଧାରା
ବି. କେ. ଏସ୍. ସରୋଜା
ଭାରତର ଜଣେ ପ୍ରତିଷ୍ଠିତ ନର୍ସ ତଥା ସ୍ୱାସ୍ଥ୍ୟସେବା ନେତ୍ରୀ ଡକ୍ଟର ବି. କେ. ଏସ୍. ସରୋଜା, ରୋଗୀ ସେବା ପ୍ରତି ଆଗ୍ରହ ରଖି ଜଣେ ନର୍ସିଂ ଛାତ୍ରୀ ଭାବେ ନିଜର କ୍ୟାରିୟର ଆରମ୍ଭ କରିଥିଲେ । ସେ ବିଭିନ୍ନ ହସ୍ପିଟାଲ୍ ଏବଂ ଗୋଷ୍ଠୀ ସ୍ୱାସ୍ଥ୍ୟ କାର୍ଯ୍ୟକ୍ରମଗୁଡ଼ିକରେ ଅକ୍ଳାନ୍ତ ପରିଶ୍ରମ କରିଥିଲେ । ନିଜର ନିଷ୍ଠା ଏବଂ ନିରନ୍ତର ଶିକ୍ଷା ବଳରେ ସେ ସଫଳତାର ସହ ଆଗକୁ ବଢ଼ି 'ଟ୍ରେଣ୍ଡ ନର୍ସେସ୍ ଆସୋସିଏସନ୍ ଅଫ୍ ଇଣ୍ଡିଆ' (TNAI) ର ସଭାପତି ହୋଇପାରିଥିଲେ ଏବଂ ଦେଶରେ ନର୍ସିଂ ଶିକ୍ଷା ତଥା ବୃତ୍ତିଗତ ମାନଦଣ୍ଡର ଉନ୍ନତି ପାଇଁ ଉଲ୍ଲେଖନୀୟ ଅବଦାନ ଦେଇଥିଲେ । ତାଙ୍କର ଏହି ଜୀବନଯାତ୍ରା ପ୍ରତିପାଦିତ କରେ ଯେ, କିପରି ଦୃଢ଼ ସଂକଳ୍ପ, ଦୟା ଓ କଠିନ ପରିଶ୍ରମ ମାଧ୍ୟମରେ ନର୍ସମାନେ ସାଧାରଣ ରୋଗୀ ସେବାରୁ ଆରମ୍ଭ କରି ଦେଶର ସ୍ୱାସ୍ଥ୍ୟ ନୀତି ନିର୍ଦ୍ଧାରଣ କରିବା ଏବଂ ସମଗ୍ର ଭାରତରେ ନର୍ସିଂ ବୃତ୍ତିକୁ ଅଧିକ ସଦୃଢ଼ କରିବା ଦିଗରେ ନିଜର ଅବଦାନ ଦେଇପାରିବେ।
ଅଧିକ ସୂଚନା ପାଇଁ, ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ
