ପଠନ
ବିକଳ୍ପ
NCS Code: 5503
ଜଣେ କୃଷି-ଋଣ ବିଶ୍ଳେଷକ ଚାଷୀ, କୃଷକ ଉତ୍ପାଦକ ସଂଗଠନ (FPOs), କୃଷି-ଉପାଦାନ ବ୍ୟବସାୟ ଏବଂ ଅନ୍ୟାନ୍ୟ ଗ୍ରାମୀଣ ଋଣଗ୍ରହିତାମାନଙ୍କର ଋଣ ଯୋଗ୍ୟତା ବା ଆର୍ଥିକ ସ୍ଥିତିର ମୂଲ୍ୟାଙ୍କନ କରିଥାନ୍ତି । ଏହି ପଦବୀରେ ନଗଦ ଅର୍ଥର ପ୍ରବାହ , ଋତୁଭିତ୍ତିକ ବିପତ୍ତି ବା ବିପଦ , ବନ୍ଧକ (Collateral), ଋଣ ପରିଶୋଧ କ୍ଷମତା ଏବଂ ସରକାରୀ ନୀତିର ଅନୁପାଳନ ଆଦିର ଯାଞ୍ଚ କରିବା ପାଇଁ କୃଷି ବିଷୟକ ଜ୍ଞାନ ସହିତ ଆର୍ଥିକ ବିଶ୍ଳେଷଣର ସମନ୍ୱୟ ରକ୍ଷା କରାଯାଇଥାଏ । କୃଷି-ଋଣ ବିଶ୍ଳେଷକମାନେ ବିଭିନ୍ନ ବ୍ୟାଙ୍କ, ନାବାର୍ଡ (NABARD) ସହ ଜଡ଼ିତ ସଂସ୍ଥା, ସମବାୟ ସମିତି, NBFCs (ଅଣ-ବ୍ୟାଙ୍କିଙ୍ଗ୍ ଆର୍ଥିକ କମ୍ପାନୀ) ଏବଂ କୃଷି-ବ୍ୟବସାୟ ଆର୍ଥିକ ପରିଚାଳନା ଦଳଗୁଡ଼ିକରେ କାର୍ଯ୍ୟ କରିଥାନ୍ତି।
ବିଶ୍ଳେଷଣାତ୍ମକ ଚିନ୍ତାଧାରା ଏବଂ ଗାଣିତିକ ଯୁକ୍ତିଯୁକ୍ତ ଚିନ୍ତାଧାରା ।
ଋଣ ମୂଲ୍ୟାଙ୍କନ ଏବଂ ବିପଦ ଆକଳନ
କୃଷି, କୃଷି ଅର୍ଥନୀତି ଏବଂ ଗ୍ରାମୀଣ ବଜାର ବିଷୟରେ ଜ୍ଞାନ।
ଯୋଗାଯୋଗ ଏବଂ ଅଂଶୀଦାର/ହିତଗ୍ରାଧିକାରୀ ପରିଚାଳନା ଦକ୍ଷତା
ରିପୋର୍ଟ ଲେଖିବା, ଦଲିଲ ପ୍ରସ୍ତୁତି ଏବଂ ଅନୁପାଳନ ତଦାରଖ।
ସୂକ୍ଷ୍ମ ବିଷୟ ପ୍ରତି ଧ୍ୟାନ ଏବଂ ନୈତିକ ନିଷ୍ପତ୍ତି ଗ୍ରହଣ।
ଅଭିଷେକ ମହାପାତ୍ର
ଅଭିଷେକ ମହାପାତ୍ରଙ୍କ କ୍ୟାରିୟର ଦର୍ଶାଏ ଯେ କିପରି ଏକ ଦୃଢ଼ ବିଶ୍ଳେଷଣାତ୍ମକ ଦକ୍ଷତା ଏବଂ ବ୍ୟାଙ୍କିଙ୍ଗ୍ କ୍ଷେତ୍ରରେ ନିରନ୍ତର ଉନ୍ନତି, ଋଣ ପରିଚାଳନା କ୍ଷେତ୍ରରେ ନେତୃତ୍ୱ ପଦବୀକୁ ନେଇଯାଇପାରେ । ଭୁବନେଶ୍ୱରରେ ଋଣ ସ୍ୱୀକୃତି ବା ଅଣ୍ଡରରାଇଟିଂ ରୁ ନିଜର କାର୍ଯ୍ୟ ଆରମ୍ଭ କରି, ସେ ଋଣ ବିଶ୍ଳେଷଣ ଏବଂ ନୀତି ନିର୍ଦ୍ଧାରଣ କ୍ଷେତ୍ରରେ ବିଶେଷଜ୍ଞତା ହାସଲ କରିଥିଲେ। ପରବର୍ତ୍ତୀ ସମୟରେ ସେ ଓଡ଼ିଶା ଏବଂ ଝାଡ଼ଖଣ୍ଡକୁ ଅନ୍ତର୍ଭୁକ୍ତ କରୁଥିବା ଏକ ଆଞ୍ଚଳିକ ଋଣ ପରିଚାଳନା ପଦବୀକୁ ଉନ୍ନୀତ ହୋଇଥିଲେ । ଓଡ଼ିଶାର ଆର୍ଥିକ ବୃତ୍ତିଗତମାନେ କିପରି ଋଣ ପ୍ରଦାନ ନିଷ୍ପତ୍ତିକୁ ସୁଦୃଢ଼ କରିବା ସହ ବ୍ୟବସାୟର ଅଭିବୃଦ୍ଧିରେ ସହାୟକ ହେଉଥିବା ବଡ଼ ପଦବୀ ପର୍ଯ୍ୟନ୍ତ ପହଞ୍ଚିପାରିବେ, ତାହାର ଏକ ଉଲ୍ଲେଖନୀୟ ଉଦାହରଣ ହେଉଛନ୍ତି ଅଭିଷେକ।
ଅଧିକ ସୂଚନା ପାଇଁ, ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ
